Plilarĝigi
Unuiĝo Franca por Esperanto
Biblioteko Hippolyte Sebert
retroiri al la komenco de la artikolo
Malrapide, per solenaj paŝoj, eniris la Akademianaro. Antaŭ ĉiuj marŝis la prezidanto, Rektoro BOIRAC, respektinda kaj respektata majstro, kies frunto sulketiĝis pro komprenebla konsciado de lia malfacila tasko. Kiam li min preterpasis alirante la tablon, li « monadologis » t. e. parolis kun si mem, kaj mallaŭte subdiris, ke kompatinda estas veturigisto de ĉaro, kies ĉevaloj tiras, unuj dekstren kaj aliaj maldekstren… En la plej larĝa seĝego li sidigis siajn ambaŭ korpojn ; ĉiuj ja scias, ke li havas du korpojn, unu homan kaj unu eksterhoman nevideblan.