Unuiĝo Franca por Esperanto
Biblioteko Hippolyte Sebert
Al la prezenta paĝo pri la Esperanta Universala Biblioteko
El Aleksandro Petőfi.
La aŭtuno jam alvenis
Kaj belaĵojn ĉiujn prenis
De la frunto de l’ natur’.
Estas nuda la kamparo,
En ĝardeno la floraro
Jam malofta estas nur.
Florojn, kiuj postrestadis,
En bukedon kunligadis
Mia kara Juliet’.
Bone ! Vi ja min gajigas,
Eble florojn mem ĝojigas
Per deŝiro, edzinet’.
Se jam ili certe mortos,
Pli facile do elportos
Morton tie, apud ni,
Kie ilin amoplene,
En velkado kompateme,
Rigardadas vi kaj mi !
Esperantigis Adolfo Altenburger.