9−a TAGO — SABATO
vidi pli larĝskale (1368)
vidi tre larĝskale (3840)
MONUMENTOJ : Triumfarko de l’ Étoile ; Parko Monceau kaj Muzeo Cernuschi ; tombejo Montmartre ; Sacré-Cœur ; preĝejo Saint-Pierre de Montmartre ; Buttes-Chaumont ; tombejo de Père Lachaise ; Arbaro de Vincennes. — Promenado, kiu ebligas sekvi la vojon de l’ « Eksteraj Bulvardoj », limo de Parizo antaŭ la anekso al la ĉefurbo de la najbaraj komunumoj en 1860, kaj viziti Montmartre, kvartalon de la fantazio kaj de l’ amuzoj. La promenado estas tro longa por esti farata piede, precipe se oni volas viziti la arbaron de Vincennes : oni devas fari ĝin per veturilo. La subtera fervojo ("Métro") laŭiras la vojon de l’ eksteraj bulvardoj, kaj ankaŭ du tramvojoj (D. Étoile – La Villette. — E. La Villette – Place de la Nation).