Oficiala Vortaro de Esperanto

S. Grenkamp, 1937

— A —

a abato abdiki abelo abio abismo abituriento ablativo abnegacio abomeno aboni aborti abrikoto abrupta absceso absinto absoluta absorbi abstini abstrakta absurda abunda acero acida aĉ aĉeti ad adapti adepto adiaŭ adicii adjektivo adjutanto administri administracio admiri admiralo admiralitato admoni adopti adori adreso adulti advento adverbo advokato aero aerolito aeroplano afabla afekti afero afikso afiŝo aflikti aforismo afranki afusto agi agaco agato agento agiti aglo agonio agordi agrabla agrafo agronomio aĝo aĝio ajlo ajn aĵ akacio akademio akapari akaro akceli akcento akcepti akcesora akcio akcidento akcipitro akcizo akiri aklami akno akompani akordo akra akrido akrobato akso akselo aksiomo akto aktiva aktoro aktuala akurata akuŝi akuta akuzi akuzativo akvo akvaforto akvarelo akvario akvilegio al alabastro alarmo alaŭdo albino albumo alciono aldo aleo alegorio aleno alfabeto algo algebro alĥemio alia alibio aligatoro alineo alko alkoholo alkovo almanako almenaŭ almozo alno aloo alta altaro alteo alterni alternativo aludi alumeto aluminio aluno ami amara amaso ambasadoro ambaŭ ambicio amboso ambro ambrozio ambulanco amelo ametisto amfibio amfiteatro amforo amiko amnestio amoniako amoro amortizi amplekso amputi amuleto amuzi an anagalo anagramo anakronismo analizi analoga ananaso anapesto anarĥio anaso anatomio anĉovo anekdoto aneksi anemono angeliko angino angoro angulo anĝelo anilino animo anizo ankaŭ ankoraŭ ankro anomalio anonci anonima ansero anstataŭ ant antaŭ anteno anticipi antikva antilopo antimono antipatio antipodo antitezo antologio antropologo antropologio anunciacio aorto aparato aparta apartamento aparteni apatio apelacii apenaŭ aperi aperturo apetito apio aplaŭdi apliki aplombo apogi apogeo apokrifa apologo apopleksio apostolo apostrofo apoteko apoteozi apozicio apro aprilo aprobi apud ar arabesko araneo aranĝi arbo arbalesto arbitra arbitracio arbusto arĉo ardi ardeo ardezo areno areometro aresti argilo argumenti arĝento arĥaika arĥaismo arĥeologo arĥeologio arĥipelago arĥitekto arĥitekturo arĥivo ario aristokrato aristokratio aritmetiko arko arkado arlekeno armi armeo arniko arogi aroganta aromo arpeĝo arseniko arto arterio artifiko artiko artikolo artilerio artiŝoko artrito as aso asekuri aserti asesoro asfalto asigni asimili asocio asonanco asparago aspekti aspergi aspido aspiri astmo astro astrologo astrologio astronomo astronomio at ataki atavismo ateisto atenci atendi atenta atesti atingi atlaso atleto atmosfero atomo atribui atributo atriplo atuto aŭ aŭdi aŭdienco aŭditorio aŭguri aŭgusto aŭkcio aŭreolo aŭskulti aŭtentika aŭtobiografio aŭtografo aŭtokrato aŭtokratio aŭtomato aŭtomobilo aŭtonoma aŭtoro aŭtoritato aŭtuno avo avara avelo aveno aventuro averti aviado avida avizo azeno azilo azoto

a: Finaĵo de l’adjektivoj.
abato: Estro de monaĥejo.
abdiki: (tr); Rezigni oficiale tronon kaj ĉiujn rajtojn al ĝi.
abelo: [ent] Insekto produktanta mielon.
abio: [bot] Pingloarbo, kies ligno estas uzata de ĉarpentistoj.
abismo: 1 Profundaĵo.; 2 (f) Neakordigebla malsameco.
abituriento: Mezgrada lernanto, sukcesinta la lastan ekzamenon de gimnazia kursaro.
ablativo: Kazo de deklinacio en hindoeŭropaj lingvoj.
abnegacio: 1 Forgeso pri si mem, pri sia ekstera aspekto.; 2 Sinforgeso ofere al aliaj.
abomeno: Malinklina sento.
aboni: (tr); Mendi por difinita tempo gazeton k.s.
aborti: Naski antaŭtempe nevivpovan idon.
abrikoto: Frukto de arbo el la familio de rozacoj.
abrupta: 1 Tre kruta, subite dekliva.; 2 (f) Malagrabla, subita en siaj paroloj, agoj.
absceso: Amaso da puso en homa teksaĵo.
absinto: Amararoma vegetaĵo, el kiu oni preparas samnoman fortan likvoron.
absoluta: 1 Tute sendependa de iu ajn povo aŭ kontrolo.; 2 Senrezerva, senmanka.; 3 Ĥemie pura, senmiksa.
absorbi: (tr); Tute okupi la pensojn, la atenton, la spiriton.
abstini: (netr); Neuzi ion pro principo.
abstrakta: Malkonkreta, neperceptebla de la sentoj.
absurda: Tute sensenca, kontraŭracia.
abunda: Ekzistanta en granda kvanto, en pli ol sufiĉa.
acero: [bot] Arbo el la samnoma familio parenca al platano.
acida: Havanta guston, similan al tiu de vinagro.
aĉ: Sufikso esprimanta eksteran malbonecon, malbelecon.
aĉeti: (tr); Akiri per mono.
ad: Sufikso esprimanta ripetan aŭ longedaŭran agon.
adapti: (tr); 1 Konformigi por speciala celo, por specialaj kondiĉoj.; 2 [tek] Alfiksi, almeti, alĝustigi ian pecon al alia.
adepto: 1 Partiano de doktrino.; 2 Homo lerninta arton aŭ sciencon kaj okupiĝanta pri ĝi.
adiaŭ: Esprimo, per kiu oni salutas ĉe disiĝo.
adicii: (tr); Aldoni unu nombron al alia, kunigi plurajn nombrojn en unu solan.
adjektivo: Vorto aldonata al substantivo por esprimi ĝian kvaliton.
adjutanto: Oficiro aŭ suboficiro helpe donita al ĉefo.
administri: Prizorgi funkciadon de entrepreno.
administracio: Administrejo.
admiri: Mirrigardi pro ia beleco aŭ supereco.
admiralo: Estro de milita ŝiparo.
admiralitato: Admiralejo.
admoni: (tr); Instigi parole al plenumo de devo aŭ ago.
adopti: (tr); 1 Per oficiala, laŭleĝa akto filigi aŭ filinigi iun.; 2 (f) Alproprigi al si.
adori: (tr); 1 Respekti kaj ami kiel diaĵon.; 2 Forte ami.
adreso: 1 Preciza loko, kie iu loĝas.; 2 Surskribaĵo enhavanta la nomon kaj ĝian precizan loĝlokon.
adulti: (netr); Peki kontraŭ geedzeca fideleco.
advento: La kvarsemajna fastotempo antaŭ Kristnasko.
adverbo: Nevariebla vorto esprimanta lokon, manieron aŭ tempon.
advokato: 1 Oficiala rajtigito por defendi en juĝejo.; 2 (f) Porparolanto.
aero: Spirebla gaso ĉirkaŭanta la teron.
aerolito: Ŝtono falinta sur teron el la etera spaco.
aeroplano: Aparato kapabla sin movi en la aero, ne estante pli malpeza ol ĝi.
afabla: Amika kaj agrabla al aliaj.
afekti: (tr); Ŝajnigi ion per nenaturaj manieroj.
afero: 1 Ĉio konkreta kaj abstrakta en la mondo.; 2 Objekto de okupo, posedo, celo.
afikso: Prefikso aŭ sufikso.
afiŝo: Presita anonco elmetita al publiko.
aflikti: (tr); Morale suferigi.
aforismo: Penso, principo koncize esprimita.
afranki: (tr); Pagi sendkoston de letero aŭ pakaĵo.
afusto: Portilo de kanono.
agi: (netr); Fari ion.
agaco: Malagrabla acida sento ĉe la dentoj.
agato: Speco de multkolora kvarco.
agento: Peranto en la aferoj.
agiti: (tr); Malkvietigi, inciti al io.
aglo: [zoo] Granda rabobirdo.
agonio: La lasta lukto de la mortanto kontraŭ la morto.
agordi: (tr); 1 Starigi ĝustan rilaton inter la kordoj de l’instrumento.; 2 (f) Inklinigi iun al io.
agrabla: Plaĉa kaj plezuriga.
agrafo: Metala hoketo kun ringeto servanta al kunigo de l’ randoj de vesto.
agronomio: Scienco pri kampokulturo.
aĝo: Tempo pasinta de la naskiĝo.
aĝio: Diferenco inter la nominala kaj efektiva valoro de la mono aŭ de valorpapero.
ajlo: [bot] Bulba vegetaĵo kun akra odoro uzata kiel spicaĵo.
ajn: Vorteto almetata al vortoj demandaj aŭ sendifinaj por pliinsisti la nedifinitecon.
aĵ: Sufikso esprimanta konkretaĵon.
akacio: [bot] Dorna arbo kun bonodoraj floroj el la familio de legumenacoj.
akademio: Societo de scienculoj, literaturistoj aŭ artistoj.
akapari: (tr); 1 Aĉeti grandan kvanton da varo kaj post ĝia maloftigo vendi ĝin pli kare.; 2 Proprigi al si ion kun malutilo al aliaj.
akaro: 1 [ent] Ordo de ŝpinbestoj (arakneidoj).; 2 [ent] Nomo ofte uzata por arakneido kaŭzanta skabion.
akceli: (tr); Plirapidigi, pliprogresigi, sukcesigi.
akcento: Plilaŭtigo de la voĉo sur unu silabo de vorto.
akcepti: (tr); 1 Konsenti preni tion, kion oni donas.; 2 Esti hejme por la vizitanto.; 3 Konsenti, aprobi.
akcesora: Flanka, ne ĉefa.
akcio: [kom] Valorpapero atestanta partoprenon en komerca, financa aŭ industria societo.
akcidento: Malfeliĉa, neatendita okazo.
akcipitro: Dumtaga rabobirdo, simila al nizo.
akcizo: Imposto pagata por manĝaĵoj, alkoholaĵoj k.s.
akiri: (tr); Havigi al si ion.
aklami: Saluti, akcepti unuvoĉe aprobi.
akno: Ruĝa haŭtmakuleto.
akompani: (tr); 1 Esti aŭ iri kun iu.; 2. Kunludi.
akordo: 1 Sameco de sentoj aŭ opinioj.; 2 Harmonio en sonado.
akra: Malmilda, severa, tranĉa, pika.
akrido: [ent] Saltinsekto detruanta grenon.
akrobato: Cirka gimnastikisto.
akso: 1 Linio ĉirkaŭ kiu turniĝas korpo.; 2 Centra linio.
akselo: Subbrako.
aksiomo: Evidenta veraĵo.
akto: 1 Parto de teatraĵo.; 2 Oficiala dokumento atestanta fakton.
aktiva: 1 Produktanta, aganta, laboranta.; 2 [gram] Esprimanta agon.
aktoro: 1 Teatristo.; 2 (f) Homo, kiu ŝajnigas sin alia, ol li estas.
aktuala: Ekzistanta, nuntempa.
akurata: Plenumanta je ĝusta tempo, je interkonsentita horo.
akuŝi: (netr); Eligi maturan idon el la utero.
akuta: 1 [mat] Akra.; 2 [med] Nelongedaŭra.
akuzi: (tr); Kulpigi.
akuzativo: Kazo montranta rektan komplementon kaj finiĝanta je n.
akvo: [H²O] Fluidaĵo pleniganta riverojn, marojn k.t.p.
akvaforto: Gravuraĵo farita per acido sur kupro.
akvarelo: Pentraĵo farita per akvosolveblaj koloriloj.
akvario: Vitra akvujo por akvaj plantoj kaj fiŝoj.
akvilegio: [bot] Genro de ranunkolacoj, planto kun sonorilformaj floroj.
al: Prepozicio esprimanta direkton.
alabastro: Mola, diafaneta ŝtono simila al marmoro.
alarmo: Signalo, alvoko por anonci minacantan danĝeron.
alaŭdo: Kampa kantobirdo.
albino: Homo denaske senpigmenta en haŭto, haroj kaj irisoj.
albumo: Libro por enmetado de fotografaĵoj, de versoj, notoj, k.t.p.
alciono: [zoo] Fiŝomanĝa birdo.
aldo: [muz] La plej malalta virina voĉo.
aleo: 1 Vojo en ĝardeno.; 2 Larĝa strato kun ambaŭflanka arbovico.
alegorio: Rakonto metafore prezentita.
aleno: Ledokudrilo.
alfabeto: La literaro de lingvo.
algo: [bot] Marherbo.
algebro: Parto de la matematiko, en kiu la grandoj estas reprezentataj per literoj.
alĥemio: Ĥemio, kiu volis aliigi la metalojn en oron.
alia: 1 Diferenca, malsama.; 2 La dua el du.
alibio: Malesto en iu loko pruvita per estado en alia.
aligatoro: Amerika krokodilo.
alineo: Linio, kiu estas pli mallonga ol la kutimaj en la teksto.
alko: [zoo] Norda cervo kun larĝaj kornoj.
alkoholo: [C²H⁶O] Fluidaĵo ricevata el distilado de vino, greno, terpomoj.
alkovo: Senfenestra dormĉambro.
almanako: Kalendaro kun informoj astronomiaj, meteorologiaj k.t.p.
almenaŭ: Ne malpli ol.
almozo: Mondonaco al malriĉulo.
alno: [bot] Arbo, genro de betulacoj.
aloo: [bot] Genro de liliacoj, vegetaĵo kies rezino estas laksiga.
alta: Vertikale granda.
altaro: La diserva tablo en preĝejo.
alteo: [bot] Malvosimila planto.
alterni: (netr); Sin sekvi laŭvice.
alternativo: Elekto de unu inter du eblaĵoj.
aludi: Paroli pri iu aŭ io, nemenciante, sed komprenigante ilian nomon.
alumeto: Ligna peceto fosforigita, kiu ekbrulas per frotado.
aluminio: [ĥem] [Al] Blanka, tre malpeza metalo, kun arĝenta brilo.
aluno: Duobla sulfato de aluminio kaj de alia metalo.
ami: (tr); Havi ŝatan inklinon al iu.
amara: Maldolĉa.
amaso: Granda, senorda kolekto.
ambasadoro: Plej alta reprezentanto de iu ŝtato ĉe alia.
ambaŭ: Du kune.
ambicio: Deziro de gloro, famo k.t.p.
amboso: Fera bloko, sur kiu oni forĝas.
ambro: Rezineca kaj aroma substanco.
ambrozio: 1 [mit] Manĝo de grekaj dioj.; 2 (f) Tre bona manĝo.
ambulanco: 1 Movebla milithospitalo.; 2 Aŭtomobilo speciale por malsanuloj.
amelo: Substanco uzata por rigidigi post lavo la tolaĵon.
ametisto: Violkolora juvelŝtono.
amfibio: Besto povanta vivi sur tero kaj en akvo.
amfiteatro: Parto de teatro, ĉambro, ordinare duonronda, kun multetaĝaj benkoj.
amforo: Antikva botelforma vazo kun du teniloj por vino, mielo, oleo.
amiko: Persono, al kiu oni estas ligita per simpatio, sindono kaj kora sincero.
amnestio: Ĝenerala punliberigo.
amoniako: [ĥem] [NH³] Gaso konsistanta el azoto kaj hidrogeno.
amoro: 1 [mit] Dio de amo.; 2 Seksa pasio.
amortizi: (tr); Nuligi ŝuldon per regulaj partopagoj.
amplekso: Dimensio, grado de grandeco.
amputi: (tr); Fortranĉi organon, membron de vivanta estaĵo.
amuleto: Objekto magia, kiu ŝirmas kontraŭ danĝero.
amuzi: (tr); Agrable kaj gajige distri.
an: Sufikso por esprimi membron, adepton, loĝanton.
anagalo: [bot] Unujara planto kun ruĝaj aŭ bluaj floretoj, venena al birdoj.
anagramo: Vorto formita de alimeto de literoj de iu vorto.
anakronismo: 1 Eraro pri kronologia dato.; 2 Io nekonforma al la moroj de epoko.
analizi: (tr); Diserigi tutaĵon en elementojn.
analoga: Simila laŭ kelkaj rilatoj al alia.
ananaso: [bot] Frukto de tropika arbo, el la familio de bromeliacoj.
anapesto: Trisilaba verso konsistanta el unu akcentita kaj du neakcentitaj silaboj.
anarĥio: 1 Senordo, ĥaoso.
anaso: [zoo] Korta naĝbirdo.
anatomio: Scienco pri la strukturo de vivantaĵoj.
anĉovo: Eta marfiŝo simila al sardeleto.
anekdoto: Mallonga sprita rakonto.
aneksi: (tr); 1 Aligi al regno fremdan teritorion.; 2 (f) Aligi ion malpli gravan al io pli grava.
anemono: [bot] Genro de ranunkolacoj, vegetaĵo kun diverskoloraj floroj.
angeliko: [bot] Genro de umbelacoj, aroma planto.
angino: Gorĝinflamo.
angoro: 1 Malsaneca sento de sufoko kun korpremo.; 2 Sento de sufoko, kiun kaŭzas forta timo, maltrankvilo.
angulo: 1 Spaco inter du sintranĉantaj ebenoj, linioj.; 2 (f) Malvasta, ofte nedifinita loko.
anĝelo: 1 Pure spirita estaĵo.; 2 (f) Bonkora, dolĉkaraktera persono.
anilino: [ĥem] [C⁶H⁷N] Fluaĵo ekstraktata el karba gudro, uzata por koloriloj.
animo: 1 Principo de la vivo, de la sentoj kaj de la pasio.; 2 La spirita kaj senmorta parto de homo.; 3 (f) Ĉefa aganto.
anizo: [bot] Genro de umbelacoj, jara planto kun aromaj fruktoj uzataj por fabriki likvoron.
ankaŭ: Same kiel aliaj.
ankoraŭ: 1 Ĝis la nuna momento.; 2 Ree, denove.
ankro: Fera ilo por fiksi ŝipon sur akvo, balonon sur tero.
anomalio: Neregulaĵo, nenormaleco.
anonci: (tr); 1 Publike eksciigi.; 2 Antaŭsciigi.
anonima: Sennoma.
ansero: [zoo] Korta naĝbirdo, pli granda ol anaso.
anstataŭ: En la loko de ; plenumanta rolon, taskon de.
ant: Finaĵo de la aktiva participo en estanteco.
antaŭ: Prepozicio esprimanta pli fruan tempon, pli proksiman lokon, pli altan rangon.
anteno: 1 [ent] Palpaj fadenformaj organoj sur kapo de multaj insektoj.; 2 Longa kaj fleksebla stango por teni velon.; 3 Elektra, perradia kondukilo.
anticipi: Akcepti, fari, plenumi, preni antaŭ konvena, kutima tempo.
antikva: Iam ekzistinta, tre malnova.
antilopo: [zoo] Sovaĝa rapidkura remaĉulo.
antimono: [ĥem] [Sb] Blankeblueta elemento.
antipatio: Malsimpatio, kontraŭsento.
antipodo: Tero kuŝanta sub niaj piedoj sur la alia duonglobo.
antitezo: Retorika figuro, per kiu oni kontraŭmetas pensojn, vortojn, ideojn.
antologio: Beletristika kolekto de versaĵoj aŭ prozaĵoj.
antropologo: Antropologiisto.
antropologio: Scienco pri homo kaj homaj rasoj.
anunciacio: [rel] Katolika festo memoriganta la anoncon de la anĝelo Gabrielo al Mario pri naskiĝo de Jesuo.
aorto: [anat] La ĉefa arterio, komenciĝanta ĉe la koro.
aparato: Kunaĵo de objektoj aŭ instrumentoj por plenumi ion.
aparta: Malkuna, malkomuna, neordinara, speciale karakteriza.
apartamento: Granda, luksa loĝejo.
aparteni: (netr); Esti ies propraĵo, dependi de iu, esti parto de tuto.
apatio: Plena indiferenteco, nesentemo.
apelacii: Alvoki al supera tribunalo kontraŭ verdikto de la malpli supera.
apenaŭ: 1 Ne pli multe ol.; 2 Preskaŭ ne.
aperi: (netr); Montriĝi, fariĝi videbla.
aperturo: Malfermaĵo.
apetito: Manĝemo.
apio: [bot] Genro de umbelacoj, sovaĝa planto.
aplaŭdi: (tr); Aprobi per manklakado.
apliki: (tr); Uzi en praktiko, por speciala celo, en speciala okazo.
aplombo: Tre granda memfido.
apogi: (tr); Subteni.
apogeo: 1 [astr] Punkto de la orbito de astro, kie ĝi estas en la plej granda distanco de la tero.; 2 (f) Plej alta grado.
apokrifa: Neaŭtentika.
apologo: Rakonto, el kiu oni eltiras moralan instruon (= fablo).
apopleksio: Cerba sangalfluo kaŭzanta perdon de konscio kaj paralizon.
apostolo: 1 Ĉiu el la dekdu disĉiploj de Jesuo.; 2 Fervora kaj sindona propagandisto de ideo.
apostrofo: Elizia signo, anstataŭanta forlasitan vokalon.
apoteko: Butiko de farmaciisto.
apoteozi: (tr); Glori per laŭdegoj.
apozicio: Apudmeto de unu substantivo apud la alia por ĝin plidifini.
apro: [zoo] Sovaĝa porko.
aprilo: La kvara monato de la jaro.
aprobi: (tr); 1 Opinii, deklari ion bona.; 2 Konsenti al io akceptita.
apud: Proksime, en la najbareco.
ar: Sufikso esprimanta kolekton da samspecaj objektoj, formantaj unu apartan tuton.
arabesko: Laŭaraba ornamaĵo imitanta kunplektitajn branĉojn kaj foliojn.
araneo: [ent] Genro de araneoidoj, senflugila longkrura artikulo teksanta retaĵon por kapti en ĝi aliajn insektojn.
aranĝi: (tr); Laŭĝuste ordigi, pretigi, prepari.
arbo: Ligneca planto kun alta, forta trunko kaj branĉoj.
arbalesto: Pafarko, streĉata per risorto, kun tenilo.
arbitra: Libervola, laŭkaprica, senkontrola.
arbitracio: Libervole akceptita juĝo, farita de juĝanto elektita de la disputantoj mem.
arbusto: [bot] Arbeto, kies trunko estas ligneca ĉe la bazo kaj herbeca ĉe la supro.
arĉo: Vergeto kun ĉevalharoj por ludi sur certaj kordaj muzikiloj.
ardi: (netr); 1 Esti blanke varma, brulegi.; 2 (f) Tre pasii, fervori.
ardeo: [zoo] Marĉa birdo simila al cikonio.
ardezo: Nigregriza ŝtono, facile faldebla en tavolojn, uzata por tegi tegmentojn.
areno: 1 Centra sabla loko en cirko por la ludoj.; 2 (f) Kampo de agado, de idea batalado.
areometro: [sci] Ilo por mezuri la densecon de fluidaĵoj.
aresti: (tr); Malliberigi iun ordinare post juĝo.
argilo: Mola, grasa tero, el kiu oni faras brikojn, potojn, vazojn k.s.
argumenti: (netr); Rezone pruvi en diskuto.
arĝento: [ĥem] [Ag] Blanka, nerustanta metalo.
arĥaika: Malnoviĝinta, ne plu uzata.
arĥaismo: Arĥaikaĵo.
arĥeologo: Arĥeologiisto.
arĥeologio: Scienco pri la monumentoj kaj artoj de la antikva epoko.
arĥipelago: Insularo prezentanta geografian unuon.
arĥitekto: Arĥitekturisto.
arĥitekturo: Konstruarto.
arĥivo: Kolekto de malnovaj aktoj kaj dokumentoj.
ario: Muzikaĵo adaptita al kanto.
aristokrato: Homo apartenanta al nobelaro.
aristokratio: 1 La plej alta socia klaso.; 2 = Aristokrataro.
aritmetiko: Scienco pri nombroj.
arko: Parto de cirklo.
arkado: Arkaĵo sur kolonoj.
arlekeno: Gaja cirka artisto, vestata per diverskoloraj vestoj.
armi: (tr); 1 Provizi per bataliloj por ataki aŭ sindefendi.; 2 (f) Plifortigi.
armeo: 1 Regula militistaro de ŝtato.; 2 Parto de militistaro formanta tuton sub komando de ĉefo.
arniko: [bot] Genro de kompozacoj, planto, kies tinkturo estas uzata kontraŭ vundiĝoj.
arogi: (tr); Pretendi al io, impertinente, ofende, nejuste ion postuli.
aroganta: Malmodesta, malŝate kondukanta.
aromo: Agrabla gustorgana bonodoro.
arpeĝo: Akordo, kies sonojn oni aŭdigas unu post la alia.
arseniko: [ĥem] [As] Ŝtalgriza solida ĥemia elemento.
arto: 1 Scio, kapablo realigi ian koncepton.; 2 Kreaĵo nenatura.
arterio: 1 Tubeto kondukanta sangon el la luoro en ĉiujn korpopartojn.; 2 (f) Trafikvojo.
artifiko: Lerta, ruza, trompa farmaniero.
artiko: [anat] Organa ĉarniro kuniganta libere du membrojn de la korpo.
artikolo: 1 Vorteto uzata antaŭ substantivo aŭ adjektivo por pli precize ĝin difini.; 2 Aparte pritraktata temo en gazeto.
artilerio: 1 Parto de militstaro, havanta kanonojn.; 2 La kanonaro.
artiŝoko: [bot] Genro de kompozacoj, manĝebla legomo.
artrito: Inflamo de artiko.
as: Finaĵo de la aktiva estanteco por ĉiuj personoj.
aso: Ludkarto kun unu punkto.
asekuri: (tr); 1 Certigi al si per kontrakto pagon de riskoj, domaĝoj, perdoj.; 2 (f) Protekti, sekurigi kontraŭ io.
aserti: (tr); Firme certigi, pretendi.
asesoro: Helpanto de juĝisto.
asfalto: Bitumo por surtegi stratojn.
asigni: (tr); 1 Destini kaj pagi monon por ia celo.; 2 Destini, difini.
asimili: (tr); 1 Fari simila.; 2 Alproprigi al sia korpo, al sia spirito.
asocio: 1 Grava, granda societo.
asonanco: Neplena rimo, kvazaŭrimo.
asparago: [bot] Genro de asparagoidoj, ĝardena legomo.
aspekti: (netr); Ŝajni, vidiĝi, mieni.
aspergi: (tr); Delikate surŝprucigi.
aspido: Venena serpento.
aspiri: Forte celi, deziri.
astmo: Malsano karakterizata per malfacila spirado.
astro: Ĉiela korpo : suno, planedo, kometo, stelo.
astrologo: Astrologiisto.
astrologio: Arto antaŭdiri laŭ la situacio de steloj.
astronomo: Astronomiisto.
astronomio: Scienco pri la astroj.
at: Finaĵo de la pasiva participo de l’estanta tempo.
ataki: (tr); 1 Komenci batalon kontraŭ iu aŭ io.; 2 (f) (pri sentoj kaj malsanoj) Trafi.
atavismo: Hereda influo de la prapatroj.
ateisto: Ateismano, adepto de ateismo.
atenci: (tr); 1 Krime ataki.; 2 (f) Provi limigi, forpreni, malrespekti.
atendi: (tr); 1 Resti ĝis iu venos, ĝis io okazos.; 2 Esperi.
atenta: Turnanta sian senton, spiriton, vidon al io.
atesti: (tr); 1 Sciigi fakton, kiel ĝia aŭdinto aŭ vidinto.; 2 Pruvi, montri.
atingi: 1 Sukcesi tuŝi, veni ĝiŝ, sin etendi ĝis.; 2 (f) Sukcesi renkonti aŭ ricevi ion abstraktan.
atlaso: 1 Glata, brila speco de silkaĵo.; 2 Libroforma kartaro por speciala fako.
atleto: 1 Homo praktikanta luktajn sportojn.; 2 (f) Homo tre forta.
atmosfero: 1 Gasa maso ĉirkaŭanta astron.; 2 (f) Medio.
atomo: Plej eta materiero konsistanta el eroj turniĝantaj ĉirkaŭ kerno.
atribui: (tr); 1 Asigni, imputi ion al iu.; 2 Rigardi, opinii ion ies.
atributo: 1 Insigno, simbolo de metio, korporacio.; 2 Insigno, simbolo de ekzisto de Dio.
atriplo: [bot] Genro de kenopodiacoj, legomo.
atuto: 1 Supera koloro dum certaj kartludoj.; 2 (f) Supereco, superaĵo.
aŭ: Konjunkcio esprimanta alternativon aŭ diferencon inter du propozicioj aŭ aferoj.
aŭdi: (tr); Percepti per orelo.
aŭdienco: Akcepto pere de oficiala eminentulo.
aŭditorio: Aŭskultejo por publikaj lekcioj.
aŭguri: (tr); Antaŭdiveni, antaŭdiri.
aŭgusto: La oka monato de la jaro.
aŭkcio: Publika vendo al pliproponanto.
aŭreolo: 1 Luma rondo ĉirkaŭ la kapo de sanktuloj sur pentraĵoj, nimbo, glorkrono.; 2 (f) Gloro, famo.
aŭskulti: (tr); 1 Atenti por aŭdi.; 2 (f) Obei, sekvi.
aŭtentika: Vera, nefalsa.
aŭtobiografio: Vivo de iu priskribita de li mem.
aŭtografo: Skribaĵo propramane skribita de la aŭtoro, de eminentulo.
aŭtokrato: Absoluta regnestro.
aŭtokratio: Aŭtokrata regsistemo.
aŭtomato: 1 Aparato, aganta kvazaŭ propramove, kiel vivanta estaĵo.; 2 Aparato funkcianta mekanike.; 3 (f) Persono sen volo, sen energio.
aŭtomobilo: Veturilo movata de motoro.
aŭtonoma: Memstara, sinreganta sendepende de la centra registaro.
aŭtoro: Verkisto, literaturisto, kreinto de io.
aŭtoritato: Spirita povo, influo bazita sur ies valoro, bonkvalito.
aŭtuno: La tria sezono de la jaro.
avo: Patro de patro aŭ patrino.
avara: Monŝpara, monama.
avelo: [bot] Nukso de avelujo, arbeto el la familio de betulacoj.
aveno: [bot] Genro de gramenacoj, greno por ĉevaloj.
aventuro: Eksterordinara okazintaĵo en ies vivo.
averti: (tr); Antaŭsciigi pri io malagrabla.
aviado: Arto aerveturadi per aparatoj pli pezaj ol aero.
avida: Forte deziranta ion.
avizo: Sciigo, anonco, informo.
azeno: 1 Longorela besto.; 2 (f) Malsaĝulo.
azilo: Rifuĝejo, kie oni trovas sekurecon.
azoto: [ĥem] [N] Ĥemia elemento, senkolora, senodora gaso.

← retro : antaŭparolo — A — → al la kaplitero B

A B C Ĉ D E F G Ĝ H Ĥ I J Ĵ K L M N O P R S Ŝ T U V Z

al la prezenta paĝo pri la vortaro

Unuiĝo Franca por Esperanto
Biblioteko Hippolyte Sebert