Oficiala Vortaro de Esperanto

S. Grenkamp, 1937

— Z —

zebro zefiro zenito zibelo zigzago zingibro zinko zizelo zodiako zono zoologo zoologio zorgi zuavo zumi

zebro: [zoo] Genro de unuhufaj mamuloj, rimarkinda pro sia flava felo kun longaj brunaj strioj.
zefiro: Agrabla milda venteto.
zenito: 1 [astr] Punkto de la ĉiela firmamento rekte super nia kapo.; 2 (f) Plej alta grado, kiun oni povas atingi.
zibelo: [zoo] Speco de mustelo, kiu diferencas de ĝi per siaj rondoformaj oreloj, kaj per sia pli mallonga vosto.
zigzago: Rompita linio, formanta alterne elstarajn kaj malelstarajn angulojn.
zingibro: [bot] Genro de zingibracoj kreskanta en Azio, kies pulvorigita radiko estas uzata kiel aroma spicaĵo.
zinko: [ĥem] [Zn] Ĥemia elemento, blugriza peza metalo, uzata en elektro, por kovri tegmentojn, en kunfandoj k.s.
zizelo: [zoo] Genro de sciuroidoj, mamulo kies korpo estas tre gracia, kun grandaj vangosakoj, malgrandaj piedoj kaj vosto, kaj kiu endormiĝas por la vintro.
zodiako: [astr] Rondforma zono, kies mezon okupas la ekliptiko kaj kiu enhavas la dekdu stelogrupojn (= konstelaciojn), kiujn ŝajnas trakuri la suno dum unu jaro.
zono: 1 Strio el teksaĵo, ledo k.t.p. por ĉirkaŭmeti la talion.; 2 (f) La korpoparto, kiun oni ĉirkaŭas per tia zono.; 3 [mat] Parto de supraĵo de sfero inter du paralelaj rondoj.; 4 Ĉiu el la kvin grandaj dividoj de la tera globo, difinitaj per polusaj kaj tropikaj rondoj.
zoologo: Zoologiisto.
zoologio: Scienco pri bestoj.
zorgi: Serioze kaj persiste uzi siajn spiritajn fortojn por la bono de iu aŭ io.
zuavo: [mil] Infanteria soldato de la franca nordafrika armeo.
zumi: (netr); Aŭdigi bruon similan al la bruo de fluganta insekto.

al la kaplitero V ← — Z — → prospekto, reklamo

A B C Ĉ D E F G Ĝ H Ĥ I J Ĵ K L M N O P R S Ŝ T U V Z

al la prezenta paĝo pri la vortaro

Unuiĝo Franca por Esperanto
Biblioteko Hippolyte Sebert